1.    AUM PARISH PASTORAL 2023

Parish deka ngatur Aum Parish Pastoral keterubah iya kena Hari Enam, 14hb Januari 2023 ba Gerija Mater Dei, Lutong. Semua ketuai, ministri gerija enggau ministri sembiang dipinta nganjung siku wakil datai ke aum tu.

 

2.    MISA KE ORANG PARAI

Misa Begulai ke Orang Parai bagi bulan Disember ianya Hari Lima, 27hb Januari, 2022, jam 7.00 pagi di Katedral St. Joseph. Kita tau rejista ba Ofis Parish tauka WhatsApp kami ba 011-1098-3221 sebedau Hari Dua, 24hb Januari, 2022.

 

3.    KUS BAPTISA NEMBIAK MIT DALAM JAKU BAHASA MALAYSIA

Endur                 : Katedral St. Joseph

Haribulan           : 29hb & 30hb Januari 2023

Jam                    : 7.30 malam

Kus tu tau rejista ba Opis Parish Katedral St. Joseph.

 

4.    REJISTA SEKULA HARI MINGGU BAGI TAUN 2023.

Atur rejista ke Sekula Hari Minggu bagi Taun 2023 bagi parish SJC udah bisi ba papan Notis Gerija enggau ba website Parish. Semua kita dipinta rejista ke bala anak kita nitih haribulan enggau jam ti udah ditetapka.

 

5.    NGAMBI KAUNSELOR BELESEN SEPENUH MASA

Parish diatu benung ngiga sereta deka ngambi Kaunselor Belesen Sepenuh Masa ke rejista enggau Lembaga Kaunselor Malaysia kena bejalaika Pusat Kaunseling Parish. Ngagai sapa ke bisi ati, tau nganjung resume enggau gambar saiz passport sebedau 20hb Januari 2023 ngagai: The Secretary, P. O. Box 108, 98007 Miri. Semina calon dalam list pandak deka dikangauka interview.

 

6.    KERJA KOSONG KERANI AM

Parish deka ngaji Kerani Am Indu ke berumur 20-30 taun enggau minimum pemegai SPM lalu bisi pemandai ba komputer literasi enggau landik bejaku dalam English, BM enggau Mandarin sereta bisi pengelaman kerja. Ngagai kita ke bisi ati tau nganjung resume enggau gambar saiz passport ba Katedral St. Joseph, Miri ofis parish sebedau 20hb Januari 2023.

 

7.    ENROLMEN TADIKA KATOLIK 2023 BA MIRI

Tadika Katolik kitai, Tadika St. Joseph, Tadika Sri Cahaya enggau Tadika Santo Dominic, diatu udah muka rejista bagi taun 2023. Kami ngelaluka nembiak ti ada taun 2017, 2018 enggau 2019. Kita tau rejista tauka betanya enggau ketuai pengajar ba;

Tadika Joseph (Miri) : Ms. Winnie Swee ba 085-438437; 019-884 1016

Tadika Sri Cahaya (Senadin) : Helen Huang ba 013-830 5848

Tadika Dominic (Taman Tunku) : Ms. Agatha Tang ba 016-8833050

 

8.    MEREKAT RUMAH BAGI TAUN 2023

Rejista merekat rumah udah dibuka lalu pengawa tu deka belabuh bulan Februari 2023. Pengawa merekat rumah tu deka meri awak ti dulu ngagai sida ti keterubah iya merekat rumah. Deka nemu enggau silik, kita tau meda pom rejista ti udah disediaka ba penama gerija. Penudi bendar rejista ianya 31hb Januari 2023.

 

Leave a Reply

Your email address will not be published. Required fields are marked *